PERFUME


     පුංචි කාලෙ ඉඳන්ම දන්න කියන, ඒ වුනාට 10 වසරෙදි ‍ෆිට්වුන යාලුවෙක් එයාගෙ අලුත් මොබයිල් නම්බර් එක එවලා තිබුනා අද. ඒ එක්කම මතක් වුනේ 10 , 11 පන්ති වල ඉන්න කාලෙ අපි එකතු වෙලා කරපු පිස්සු  වැඩ. ඒ දවස් වල තිබුනු විද්‍යා ප්‍රදර්ශනයකට අපි එකතු වෙලා හදපු අඟහරු ජනාවාසයක් තිබුනා. දැන්නම් මතක් වෙද්දි හිනා යනවා.....ප්‍රදර්ශනේ තිබුනෙ අපේ පැත්තෙ mix school එකක. අපි ඉතින්පොරවල් වගේ ඒකත් තියාගෙන හිටියා. වැඩිපුරම හොඳට විස්තර අහන්න ආවෙ ලඟ ඉස්කෝල වල අයියලා තමයි. ඒ දවස් වල ඒ ගැන් කියපු බොරු කොහොම කටට ආවද කියලා තවමත් හිතාගන්න බෑ.... අඟහරු වල ඉන්න මිනිස්සුන්ට කන්න ඕනා කෑම හදන හැටි , ඔක්සිජන් හදන හැටි,  ...  අපි ඒවා කියපු විදියට කට්ටිය හිතුවෙ අපි ඊලඟ අවුරුද්දෙ අඟහරු වලට යයි කියලා...


ඒ දවස් වල එයාගෙ කොණ්ඩෙ අපිට එකම විහිලුවක් වෙලා තිබුනෙ. හරියටම මුරු (මතකනෙ, I''m Muru. I'm from Nigeria  ) ගෙ කොන්ඩෙ වගේ. ඒ තරම් curl. උදේ ‍රැස්වීම වෙලාවට අපි එයාගෙ පිටිපස්සට වෙලා කොන්ඩෙ අස්සෙ පුන්චි පුන්චි ගල් කැට, ගස් වල අතු කෑලි එහෙම හංගනවා............. ‍රැස්වීම ඉවර වෙලා පන්තියට යනකනුත් ඒවා බිම වැටෙන්නෙ නම් නෑ. අපි කරපු ඒ වගේ වැඩ වලට එයාට තරහ යන්නෙ නැත්තෙත් නෑ.ඒත් ඉතින් ඒ ටික වෙලාවකට විතරයි. ඊට පස්සෙ අපි අවුල් කරපු කොන්ඩෙ හොරෙන් ඉස්කෝලෙට ගෙනාව පනාවෙන් හොරෙන් ම පීරගෙන කිසි දෙයක් වුනේ නෑ වගේ ඉන්නවා. (පනාවක් හොරෙන් ගේන එක ලොකු අවුලක් වුනෙත් නෑ අපිට, මොකද මමයි එයයි දෙන්නම prefects ලා නිසා.. ;-) )


මමයි, මේ යාලුවායි ගියා 11 වසරෙදි පන්තියකට. පන්තියක් කිවුවට ඒක ගෙදරක තිබුන group class එකක්. හිටියෙ අපි දෙන්නයි, තව අපේ ඉස්කොලෙම ලමයි දෙන්නෙකුයි, අපේ සහෝදර පාසලේ කොලු පැටවු දෙන්නෙකුයි විතරයි. ඉස්කෝලෙ ඇරිලා ගිහින් දවල්ට කාලා එහෙම මමයි යාලුවා යි අමතක නොකරම කරපු දෙයක් තිබුනා. ඒ තමයි ඒ ගෙදර කාමරේක තිබුනු ක්ණ්ණාඩිය ඉස්සරහට ගිහින් කොන්ඩෙ පීරලා, පවුඩර් එහෙම දාලා පන්තියට ලෑස්ති වෙන එක. ඒ දවස් වල මගෙ කොන්ඩෙත් කොටට කපලා තිබුනෙ. උදේට baby cream ගාලා පීරගෙන ආවාට ඒ වෙනකොට කොන්ඩෙ අවුල වෙලා තියෙන්නෙ. (baby cream ගෑවෙ ඒ කාලෙ මට අම්මා hair cream / hair gel ල් අරන් දුන්නෙ නැති නිසා)  දැන් ඉතින් අහන්න එපා කාට පේන්නද හැඩ වෙලා ආවෙ කියලා.... මොකද මමත් හරියටම දන්නෙ නෑ ඒ ගැන නම්. හිටිය කොල්ලො දෙන්නගෙන් එකෙක් ඒ කාලෙත් sunsuit අඳින ජාතියෙ. අනිත් කොල්ලා අපේ බුද්ධාගම මිස්ගෙ පුතා... හතර පෝයටම සිල් ගත්ත කෙනෙක්. ඒ නිස ඒ කොල්ලො දෙන්නට පේන්න හැඩ වුණා වෙන්න නම් බෑ... 


කොහොම කොහොම හරි අපි දෙන්න හැමදාම පවුඩර් දාලා කොණ්ඩෙ පීරන එක ඒ ගෙදර හිටිය මල්ලි ටත් මාට්‍ටු. එයා නම් නසරානි එකෙත් හොඳම නසරානියෙක්....!!!! කාට හරි ලණුවක් දෙන්න තියනවා නම් ඊට වඩා දෙයක් නෑ.... ඒත් ඉතින් අපිට මොකද..කවුද ඕවා ගනන් ගන්නෙ... අපි නම් කයි එයාගෙ ලණු!!!
මෙහෙම කාලය ගත වුණා... අපි දෙන්නා හැමදාම පවුඩර් දාලා කොන්ඩෙ පීරලා එහෙම ගිහින් සර් අහන ප්‍රශ්න වලින් කොර වෙවී හිටියා....  ඔන්න දවසක් ඒ කණ්ණාඩි මේසෙ උඩ තියනවා ලස්සන මල් මල් පින්තූරෙකුත් තියන perfume එකක්... ආසාවෙ බෑ. කොන්ඩෙ පීරලා, පවුඩර් එහෙම දාලා ඉවර වෙලා ... වට පිට කවුරුත් නෑ වගේ තෙරුන නිසා හිමීට perfume එක අරන් ස්ප්‍රේ කරගත්තා uniform එකට අපි දෙන්නම.... පුදුම සුවඳක්නෙ. කාමරෙන් එකයි සුවඳ!!!
තත්පර දෙක තුනක් වත් ගියෙ නෑ..... ගෙදර මල්ලිගෙ සුමිහිරි නාදය පැතිරුනා perfume සුවඳ අබිබවා ගේ පුරහම... "මෙන්න මුන් දෙන්නා air freshener  ගහලා"


ෆොටෝ දෙක ඉස්සුවෙ මෙතනින් - https://blogger.googleusercontent.com/img/b/R29vZ2xl/AVvXsEgwRvrQnwT6boQ4aXEOEfG2OboXJDrhhnV_CnA-wyFrOfhVoLPcFn66OqNE3p_xp5mxCIyxeFviDkc336uWpOMPBhB-Pg6acWgDFSuVFhsq1VG1P3ut7CkC3ND7WDdeuyfEg8WYe4Za0EYm/s1600/perfume-girl-cartoon.jpg , http://know.burrp.com/wp-content/uploads/2011/07/girl-with-curly-hair.jpg

Comments

  1. aiyoo sindu........ lassanai lassani e mathaka lassanai,,,,,,, oyage me blog eke Jinasiri aiyala gana th liyanna jinasiri aiya dushmantha aiya gana wage...... me dewal oyata mathaka thiyana ekata godak sathutui sindu Nade

    ReplyDelete
  2. නදී- මතක තියන දෙවල් තව කොච්චර තියනවද...... හරි හරි... ආයෙ පෝස්ට් එකක "අයියලා" ගැනත් දාමු නේ? ජිනසිරි අයියා නම් දැන් ගුරුවරයෙක් ලු( සැරම සැර ඇති නේ?)

    ReplyDelete
  3. ane oyata egollo gana wisthara hambenawada?? appo ou godaak wasa athi..... eth maru.. eyata thma gaanu lamai penna barida danne naa??

    ReplyDelete
  4. Funny :D :D :D :D :D

    ReplyDelete
  5. This comment has been removed by the author.

    ReplyDelete
  6. "කොහොම කොහොම හරි අපි දෙන්න හැමදාම පවුඩර් දාලා කොණ්ඩෙ පීරන එක..." කොණ්ඩෙ කොහොම තියෙන්න ඇතිද අක්කේ..... ?????

    ReplyDelete
  7. අයියෝ.. ඔන්න පලවෙනි වතාවට Laughing our loudly කියලා ඇත්තටම දාන්න පුළුවන්.. මම ඇත්තටම හයියෙන් හිනා වුනා.. හික්ස්.. :)

    ReplyDelete

Post a Comment