Monday, January 2, 2017

සයුරු රළ පෙළ ගැටෙන කොහේදෝ දුර ඈත

සයුරු රළ පෙළ ගැටෙන
කොහේදෝ දුර ඈත
තරු වියන් යටට වී
මුහුදු සුළඟට මුසුව
කිඳුරියන් මුමුණනා
ගීත නුඹ අහනවා

තරුවකුදු එළිය නැති
අඳුරු අහසක් අසල
නුඹ නොමැති පාළුවෙන්
ගිලන් වූ මගේ හිත
අවසන්ම පිටු අතර
දුක් කවක් ලියනවා

නුඹේ මුහුණට වැටෙන
තරු එළිය වී පැමිණ
තුරුළෙ මොහොතක රැඳෙනු
බැරිද සිත අහනවා
කවි අකුරු මුසු කරන්
මුහුදු සුළඟේ වෙලී
නුඹෙ සවන් සිඹින්නට
හදවතම කියනවා



4 comments:

  1. පුද්ගලික අත්දැකීමක්ද. නැත්නම් මේ චිත්‍රය දැකලා ලියවුනු කවියක්ද?

    ReplyDelete
    Replies
    1. හිතේ මැවුන අත්දැකීමක්. ජීවිත අත්දැකීමක් නෙමේ.

      Delete
  2. Replies
    1. ස්තුතියි නිර්මාණි

      Delete