Thursday, April 6, 2017

අහසක් මි, එනමුදු ඇවැසි නම් පොළොව වන්නෙමි.



අහසක්මි මම,
වසත් අතු අග
හැඳ පැළඳ මල් පෙති
රොබරෝසියා තුරු හිස්
වසත් සැණකෙලි 
සිරින් සැරසෙත
පසුබිමේ හිඳිනෙමි
රෝස පැහැ පෙති වල
පාට අඩුවැඩි වන්නට
සුදු පැහැති මීදුමින් සරසමි

සැනකෙලියෙ අවසන් පැය
ගෙවී යන දින වල
විඩාබරිතව තුරු හිස්
සිය අතින් හැර ලන
ගිලිහිලා මිය යන්නට
රෝස පැහැ මල්
සැවොම එක ලෙස
ආදරෙන් පිළි ගන්නෙමි

එම විට,
මහපොළොව වන්නෙමි
අහසක් ව සිටි බව
මතකයෙන් හැරලමි
අවසාන සුසුමන් පොද
මිදී පිටවන මොහොතේ
සෙනෙහසින්  සිප සනසමි

1 comment: